domingo, 11 de noviembre de 2018

De novis discipulis benigne excipiendis

Gratissimum nobis fuit, ut solet, novos excipere discipulos discipulasque! Qui quidem primo in baccalaureatico hoc anno cum sint versaturi gradu, ut sapientiores, immo humaniores in dies per bonas litteras homines fiant toto exoptamus corde...! 



lunes, 30 de abril de 2018

De excursione illa Asturicensi nuper facta


Die 19 mensis Aprilis haud multi gregis baccalaureatici discipuli discipulaeque Asturicam petiverunt urbem, eius quae nunc temporis asservantur Romana vestigia antiquissima inspecturi vel lustraturi...





Cuius enim visitatio vallum legionarium (id quod fossam praebet fastigatam), thermas, curiam Romanam, cardinem urbis, forum amplissimum (plus triginta millia kilometra quadrata longum latumque, quod mirum nimis!), cloacam quandam, villam eam opere musivo accuratissime exornatam est complexa. Quibus rebus eae pulcherrimae, Museo Romano quae continentur reliquiae, addendae sunt.

Prandio postea multa pace felicissimoque animo una sumpto, omnes Legionem serenissimo regressi sumus corde.


Valete amici suavissimique lectores!

viernes, 7 de octubre de 2016

De novis eisque humanissimis discipulis excipiendis



Salvete discipuli discipulaeque, postremi qui ad nos advenistis! Gratissimos vos excipimus linguae Latinae operam daturos multam! 

Quae enim lingua, si paulatim eam exerceritis, cordi vobis quin denique sit fieri non potest, pro certo habeatis!

Faustum enim prosperumque id quod iter incepistis fiat vobis et ad eius finem felices perveniatis maximopere exopto!




martes, 5 de abril de 2016

De excursione Asturicensi eaque novissima quam fecimus



Ecce novissimam earum hoc anno quas agendas constituimus die 5 Martis tandem aliquando fecimus. Qua quidem excursione vestigia iam mihi sat nota, discipulis non ita discipulabusque, et visimus et sumus commentati. 

Quo autem facto ad thermopolium adivimus proximum ubi, sicut mos est noster veterrimus, felicem dulcem sapidissimum una sumpsimus prandium.

Valete omnes!